Ho Asaramanitra tokoa ve ?

Rehefa volana jona dia betsaka ny fety hankalazaina : iray volan’ny ankizy, iray volan’ny teny malagasy ary ny Fahaleovantena. Marina tokoa ilay fiteny hoe Asaramanitra na hoe “ asara ” midika hoe “ volana ” ary manitra midika hoe mahasarika orona. Ny volana jona izany dia tokony ho volana manitra. Indrisy anefa fa isan-taona dia betsaka ny fanontanina mipetraka hoe « Inona izany Malagasy izany ? » « Tena mahaleotena tokoa ve i Madagasikara ? » « Mbola homentsika lanjany ve ny teny malagasy ? » « Misitraka ny zony tokoa ve ny ankizy ? » Matoa ireo fanontaniana ireo mbola mipetraka dia hita fa misy zavatra tsy tomombana ao. Ohatra fotsiny, tato ho ato dia betsaka ny ankizy izay hiaran’ny herisetra, ny fanolanana, betsaka koa ireo ankizy izay arian’ny ray aman-dreny… Raha ny teny malagasy indray dia tokony isan'andro isika no mankalaza azy satria harem-pirenena, fananana iombonana ka tokony ho saro-piaro amin’izany isika. Mbola maro ny ezaka tokony ataon’ny tsirairay avy hahafahana mitady vahaolana ho an'ireo sehatra ireo. Mila mandray anjara bebe kokoa aminy fiainam-pirenena. Mila atao ambony ny fitiavan-tanindrazana ka mila mijoro sy mandray andraikitra isika rehetra.