Andrianiko ny teniko…

Ny volana jona dia volana natokana ho an’ny teny malagasy. Mety tsy ampy izany satria tokony ho isan’andro isika no mankalaza ny tenin-drazana. Matetika mantsy ny poeta, ny mpanoratra, ny mpikabary na ny mpanao gazety foana no andrasana hanandratra izany teny izany. Izy io anefa dia tokony ho raharam-pirenena, mila mandray andraikitra ny Malagasy rehetra, miainga avy amin'ny ankizy kely ka hatramin’ny olon-dehibe. Noho izany, tsy tokony ho menatra isika rehefa miteny malagasy. Ny vahiny aza miezaka mandalina ny tenintsika

« Ny teny hoy ianao, miaina / Mety miova sy mivoatra / Nefa kosa, Sombiniaina, aza hampijaliana loatra » hoy ny poeta Ikala Mi. Ao anatin’izany fikolokoloina izany teny malagasy izany ny fanajàna ny voambolana hampiasaina mba tsy ho diso tsipelina ka manimba ny hasin’ny teny ka tokony ho saro-piaro amin'ny harentsika isika.